Pinalakas ang ugnayan ng Palawan Group of Companies at Small Business Corporation para sa kapakanan ng micro, small and medium enterprises o MSME sa bansa.

Ang SB Corporation ay nagbibigay ng pinansyal sa mga maliliit na negosyante, financial institutions, cooperatives, foundations at retail o direct lending sa mga MSME.

Nagsisilbi namang payment channel ng mga kliyente ng SB Corporation ang Palawan Group of Companies sa pamamagitan ng kanilang Palawan Express Pera Padala at PalawanPay app.

Sa tulong ng partnership ng dalawang kumpanya, mas nagiging accessible para sa pag-unlad ng mga maliliit na negosyo tungo sa matatag na progreso sa ekonomiya ng bansa.